Complete Lyrics: Mustafa Jaan-e-Rehmat Pe Laakhon Salaam (Download PDF/PNG)
Welcome to the real, complete, and genuine lyrics of, “Mustafa Jaan-e-Rehmat Pe Laakhon Salaam.”
Authoring the great piece is the highly revered Imam Ahmed Raza Khan Barelvi, the lifeblood of all Milad conferences as well as Melaad gatherings worldwide.
Below are the complete details of the couplets written in Urdu, which are the most famous couplets regarding the Holy Prophet (PBUH), the Ahle Bayt, the Rightly Guided Caliphs, and Ghaus-e-Azam.
Download Options:
For the reciters and lovers of the Prophet (PBUH), we have released this file in two formats:
- High-Quality PNG: Excellent choice for saving on your mobile device or posting on your social media.
- PDF download: For easy reproduction to share in a meeting.
Read Online – Full Lyrics
مصطفیٰ جان رحمت پہ لاکھوں سلام
شمعِ بزمِ ہدایت پہ لاکھوں سلام
مِہرِ چرخِ نبوت پہ روشن دُرود
گلِ باغِ رسالت پہ لاکھوں سلام
شہرِ یارِ ارم تاج دارِ حرم
نوبہارِ شفاعت پہ لاکھوں سلام
شبِ اسرا کے دولہا پہ دائم دُرود
نوشۂ بزمِ جنّت پہ لاکھوں سلام
عرش کی زیب و زینت پہ عرشی دُرود
فرش کی طیب و نُزہت پہ لاکھوں سلام
نورِ عینِ لطافت پہ اَلطف دُرود
زیب و زینِ نظافت پہ لاکھوں سلام
سروِ نازِ قِدَم مغزِ رازِ حِکَم
یکّہ تازِ فضیلت پہ لاکھوں سلام
نقطۂ سِرِّ وحدت پہ یکتا دُرود
مرکزِ دورِ کثرت پہ لاکھوں سلام
صاحبِ رَجعتِ شمس و شقُ القمر
نائبِ دستِ قدرت پہ لاکھوں سلام
جس کے زیرِ لِوا آدم و من سِوا
اس سزائے سیادت پہ لاکھوں سلام
عرش تا فرش ہے جس کے زیرِ نگیں
اُس کی قاہر ریاست پہ لاکھوں سلام
اصل ہر بُود و بہبود تُخمِ وجود
قاسمِ کنزِ نعمت پہ لاکھوں سلام
فتحِ بابِ نبوت پہ بے حد دُرود
ختمِ دورِ رسالت پہ لاکھوں سلام
شرقِ انوارِ قدرت پہ نوری دُرود
فتقِ اَزہارِ قدرت پہ لاکھوں سلام
بے سہیم و قسیم و عدیل و مثیل
جوہرِ فردِ عزت پہ لاکھوں سلام
سِرِّ غیبِ ہدایت پہ غیبی دُرود
عطر جیبِ نہایت پہ لاکھوں سلام
ماہِ لاہوتِ خَلوت پہ لاکھوں دُرود
شاہِ ناسوتِ جَلوت پہ لاکھوں سلام
کنزِ ہر بے کس و بے نوا پر دُرود
حرزِ ہر رفتہ طاقت پہ لاکھوں سلام
پرتوِ اسمِ ذاتِ اَحد پر دُرود
نُسخۂ جامعیت پہ لاکھوں سلام
مطلعِ ہر سعادت پہ اسعد دُرود
مقطعِ ہر سیادت پہ لاکھوں سلام
خلق کے داد رس سب کے فریاد رس
کہفِ روزِ مصیبت پہ لاکھوں سلام
مجھ سے بے کس کی دولت پہ لاکھوں دُرود
مجھ سے بے بس کی قوت پہ لاکھوں سلام
شمعِ بزمِ دنیٰ ہُوْ میں گم کُن اَنَا
شرحِ متنِ ہُوِ یَّت پہ لاکھوں سلام
انتہائے دوئی ابتدائے یکی
جمع تفریق و کثرت پہ لاکھوں سلام
کثرتِ بعدِ قلّت پہ اکثر دُرود
عزتِ بعدِ ذلّت پہ لاکھوں سلام
ربِّ اعلا کی نعمت پہ اعلا دُرود
حق تعالیٰ کی منّت پہ لاکھوں سلام
ہم غریبوں کے آقا پہ بے حد دُرود
ہم فقیروں کی ثروت پہ لاکھوں سلام
فرحتِ جانِ مومن پہ بے حد دُرود
غیظِ قلبِ ضلالت پہ لاکھوں سلام
سببِ ہر سبب منتہائے طلب
علّتِ جملہ علّت پہ لاکھوں سلام
مصدرِ مظہریت پہ اظہر دُرود
مظہرِ مصدریت پہ لاکھوں سلام
جس کے جلوے سے مرجھائی کلیا ں کھلیں
اُس گلِ پاک مَنبت پہ لاکھوں سلام
قدِّ بے سایہ کے سایۂ مرحمت
ظلِ ممدود رافت پہ لاکھوں سلام
طائرانِ قُدُس جس کی ہیں قُمریاں
اُس سہی سرو قامت پہ لاکھوں سلام
وصف جس کا ہے آئینۂ حق نما
اُس خدا ساز طلعت پہ لاکھوں سلام
جس کے آگے سرِ سروراں خم رہیں
اُس سرِ تاجِ رفعت پہ لاکھوں سلام
وہ کرم کی گھٹا گیسوے مُشک سا
لکّۂ ابرِ رافت پہ لاکھوں سلام
لَیْلَۃُ القدر میں مطلعِ الفجر حق
مانگ کی استقامت پہ لاکھوں سلام
لخت لختِ دلِ ہر جگر چاک سے
شانہ کرنے کی عادت پہ لاکھوں سلام
دُور و نزدیک کے سُننے والے وہ کان
کانِ لعلِ کرامت پہ لاکھوں سلام
چشمۂ مِہر میں موجِ نورِ جلال
اُس رگِ ہاشمیت پہ لاکھوں سلام
جس کے ماتھے شفاعت کا سہرا رہا
اُس جبینِ سعادت پہ لاکھوں سلام
جن کے سجدے کو محرابِ کعبہ جھکی
اُن بھووں کی لطافت پہ لاکھوں سلام
اُن کی آنکھوں پہ وہ سایہ افگن مژہ
ظلۂ قصرِ رحمت پہ لاکھوں سلام
اشک باریِ مژگاں پہ برسے دُرود
سلکِ دُرِّ شفاعت پہ لاکھوں سلام
معنیِ قَدْ رَأیٰ مقصدِ مَاطَغیٰ
نرگسِ باغِ قدرت پہ لاکھوں سلام
جس طرف اٹھ گئی دم میں دم آ گیا
اُس نگاہِ عنایت پہ لاکھوں سلام
نیچی آنکھوں کی شرم و حیا پر دُرود
اونچی بینی کی رفعت پہ لاکھوں سلام
جن کے آگے چراغِ قمر جھلملائے
اُن عِذاروں کی طلعت پہ لاکھوں سلام
اُن کے خد کی سُہُولت پہ بے حد دُرود
اُن کے قد کی رشاقت پہ لاکھوں سلام
جس سے تاریک دل جگمگانے لگے
اُس چمک والی رنگت پہ لاکھوں سلام
چاند سے منہ پہ تاباں درخشاں دُرود
نمک آگیں صباحت پہ لاکھوں سلام
شبنمِ باغِ حق یعنی رُخ کا عَرَق
اُس کی سچی بَراقت پہ لاکھوں سلام
خط کی گردِ دہن وہ دل آرا پھبن
سبزۂ نہرِ رحمت پہ لاکھوں سلام
رِیشِ خوش معتدل مرہمِ رَیش دل
ہالۂ ماہِ نُدرت پہ لاکھوں سلام
پتلی پتلی گلِ قُدس کی پتّیاں
اُن لبوں کی نزاکت پہ لاکھوں سلام
وہ دہن جس کی ہر بات وحیِ خدا
چشمۂ علم و حکمت پہ لاکھوں سلام
جس کے پانی سے شاداب جان و جناں
اُس دہن کی طراوت پہ لاکھوں سلام
جس سے کھاری کنویں شیرۂ جاں بنے
اُس زُلالِ حلاوت پہ لاکھوں سلام
وہ زباں جس کو سب کُن کی کنجی کہیں
اُس کی نافذ حکومت پہ لاکھوں سلام
اُس کی پیاری فصاحت پہ بے حد دُرود
اُس کی دل کش بلاغت پہ لاکھوں سلام
اُس کی باتوں کی لذّت پہ بے حد دُرود
اُس کے خطبے کی ہیبت پہ لاکھوں سلام
وہ دُعا جس کا جوبن قبولِ بہار
اُس نسیمِ اجابت پہ لاکھوں سلام
جن کے گچھّے سے لچھّے جھڑیں نور کے
اُن ستاروں کی نُزہت پہ لاکھوں سلام
جس کی تسکیں سے روتے ہوئے ہنس پڑیں
اُس تبسم کی عادت پہ لاکھوں سلام
جس میں نہریں ہیں شیٖر شکر کی رواں
اُس گلے کی نضارت پہ لاکھوں سلام
دوش بردوش ہے جن سے شانِ شَرَف
ایسے شانوں کی شوکت پہ لاکھوں سلام
حَجَرِ اسودِ کعبۂ جان و دل
یعنی مُہرِ نبوت پہ لاکھوں سلام
روئے آئینۂ علم پُشتِ حضور
پُشتیِ قصرِ ملّت پہ لاکھوں سلام
ہاتھ جس سمت اُٹھّا غنی کر دیا
موجِ بحرِ سماحت پہ لاکھوں سلام
جس کو بارِ دو عالم کی پروا نہیں
ایسے بازو کی قوّت پہ لاکھوں سلام
کعبۂ دین و ایماں کے دونوں ستوں
ساعدینِ رسالت پہ لاکھوں سلام
جس کے ہر خط میں ہے موجِ نورِ کرم
اُس کفِ بحرِ ہمّت پہ لاکھوں سلام
نُور کے چشمے لہرائیں دریا بہیں
انگلیوں کی کرامت پہ لاکھوں سلام
عیدِ مشکل کُشائی کے چمکے ہِلال
ناخنوں کی بشارت پہ لاکھوں سلام
رفعِ ذکرِ جلالت پہ اَرفع دُرود
شرحِ صدرِ صدارت پہ لاکھوں سلام
دل سمجھ سے ورا ہے مگر یوں کہوں
غنچۂ رازِ وحدت پہ لاکھوں سلام
کُل جہاں مِلک اور جَو کی روٹی غذا
اُس شکم کی قناعت پہ لاکھوں سلام
جو کہ عزمِ شفاعت پہ کھنچ کر بندھی
اُس کمر کی حمایت پہ لاکھوں سلام
انبیا تَہ کریں زانُو اُن کے حضور
زانُوؤں کی وجاہت پہ لاکھوں سلام
ساق اصلِ قدم شاخِ نخلِ کرم
شمعِ راہِ اِصابت پہ لاکھوں سلام
کھائی قرآں نے خاکِ گزر کی قسم
اُس کفِ پا کی حُرمت پہ لاکھوں سلام
جس سہانی گھڑی چمکا طیبہ کا چاند
اُس دل افروز ساعت پہ لاکھوں سلام
پہلے سجدے پہ روزِ ازل سے دُرود
یادگاریِ اُمّت پہ لاکھوں سلام
زرع شاداب و ہر ضرع پُر شیٖر سے
برَکاتِ رضاعت پہ لاکھوں سلام
بھائیوں کے لیے ترکِ پِستاں کریں
دودھ پیتوں کی نِصفَت پہ لاکھوں سلام
مہدِ والا کی قسمت پہ صدہا دُرود
بُرجِ ماہِ رسالت پہ لاکھوں سلام
اللہ اللہ وہ بچپنے کی پھبَن!
اُس خدا بھاتی صورت پہ لاکھوں سلام
اُٹھتے بوٹوں کی نشوونَما پر دُرود
کھِلتے غنچوں کی نکہت پہ لاکھوں سلام
فضلِ پیدایشی پر ہمیشہ دُرود
کھیلنے سے کراہت پہ لاکھوں سلام
اعتلائے جبلّت پہ عالی دُرود
اعتدالِ طَوِیّت پہ لاکھوں سلام
بے بناوٹ ادا پر ہزاروں دُرود
بے تکلف ملاحت پہ لاکھوں سلام
بھینی بھینی مہک پر مہکتی دُرود
پیاری پیاری نفاست پہ لاکھوں سلام
میٹھی میٹھی عبارت پہ شیریں دُرود
اچھی اچھی اِشارت پہ لاکھوں سلام
سیدھی سیدھی رَوِش پر کروروں دُرود
سادی سادی طبیعَت پہ لاکھوں سلام
روزِ گرم و شبِ تیرہ و تار میں
کوہ و صحرا کی خَلوت پہ لاکھوں سلام
جس کے گھیرے میں ہیں انبیا و مَلک
اس جہاں گیر بعثت پہ لاکھوں سلام
ادھے شیشے جھلاجھل دمکنے لگے
جلوہ ریزیِ دعوت پہ لاکھوں سلام
لطفِ بیداریِ شب پہ بے حد دُرود
عالمِ خوابِ راحت پہ لاکھوں سلام
خندۂ صبحِ عشرت پہ نُوری دُرود
گِریۂ ابرِ رحمت پہ لاکھوں سلام
نرمیِ خوئے لینت پہ دائم دُرود
گرمیِ شانِ سطوت پہ لاکھوں سلام
جس کے آگے کھنچی گردنیں جھک گئیں
اُس خداداد شوکت پہ لاکھوں سلام
کس کو دیکھا یہ موسیٰ سے پوچھے کوئی
آنکھوں والوں کی ہمّت پہ لاکھوں سلام
گردِ مہ دستِ انجم میں رَخشاں ہِلال
بدر کی دفعِ ظلمت پہ لاکھوں سلام
شورِ تکبیر سے تھرتھراتی زمیں
جنبشِ جیشِ نصرت پہ لاکھوں سلام
نعرہائے دلیراں سے بَن گونجتے
غُرّشِ کوسِ جرأت پہ لاکھوں سلام
وہ چقاچاق خنجر سے آتی صدا
مصطفی تیری صَولت پہ لاکھوں سلام
اُن کے آگے وہ حمزہ کی جاں بازیاں
شیرِ غُرّانِ سطوت پہ لاکھوں سلام
الغرض اُن کے ہر موٗ پہ لاکھوں دُرود
اُن کی ہر خُو و خصلت پہ لاکھوں سلام
اُن کے ہر نام و نسبت پہ نامی دُرود
اُن کے ہر وقت و حالت پہ لاکھوں سلام
اُن کے مولا کی اُن پر کروروں دُرود
اُن کے اصحاب و عترت پہ لاکھوں سلام
پارہائے صُحف غنچہ ہائے قُدُس
اہلِ بیتِ نبوت پہ لاکھوں سلام
آبِ تطہیر سے جس میں پودے جمے
اُس ریاضِ نجابت پہ لاکھوں سلام
خونِ خیرُالرُّسل سے ہے جن کا خمیر
اُن کی بے لوث طینت پہ لاکھوں سلام
اُس بتولِ جگر پارۂ مصطفی
حجلہ آرائے عِفّت پہ لاکھوں سلام
جس کا آنچل نہ دیکھا مہ و مِہر نے
اُس رِدائے نَزاہت پہ لاکھوں سلام
سیّدہ زاہرہ طیّبہ طاہرہ
جانِ احمد کی راحت پہ لاکھوں سلام
حَسَنِ مجتبیٰ سیّدُ الاسخیا
راکبِ دوشِ عزت پہ لاکھوں سلام
اَوجِ مِہرِ ہُدیٰ موجِ بحرِ نَدیٰ
رَوحِ رُوحِ سخاوت پہ لاکھوں سلام
شہد خوارِ لُعابِ زبانِ نبی
چاشنی گیرِ عصمت پہ لاکھوں سلام
اُس شہیدِ بَلا شاہِ گلگوں قَبا
بے کسِ دشتِ غربت پہ لاکھوں سلام
A short version
Mustafa Jaan-e-Rehmat Pe Laakhon Salaam Sham-e-Bazm-e-Hidayat Pe Laakhon Salaam
Shehr-e-Yaar-e-Iram Taajdar-e-Haram Nau-Bahaar-e-Shafa’at Pe Laakhon Salaam
Hum Ghareebon Ke Aaqa Pe Be-had Durood Hum Faqeeron Ki Sarwat Pe Laakhon Salaam
Jis Ke Maathe Shafa’at Ka Sehra Raha Us Jabeen-e-Sa’adat Pe Laakhon Salaam
Jis Ke Sajde Ko Mehraab-e-Kaaba Jhuki Un Bhawon Ki Latafat Pe Laakhon Salaam
Jis Taraf Uth Gayi Dam Mein Dam Aa Gaya Us Nigaah-e-Inayat Pe Laakhon Salaam
Jis Se Taareek Dil Jagmagane Lage Us Chamak Wali Rangat Pe Laakhon Salaam
Patli Patli Gul-e-Quds Ki Pattiyan Un Labon Ki Nazakat Pe Laakhon Salaam
Woh Dahan Jis Ki Har Baat Wahi-e-Khuda Chashma-e-Ilm-o-Hikmat Pe Laakhon Salaam
Woh Zaban Jis Ko Sab Kun Ki Kunji Kahein Us Ki Naafiz Hukumat Pe Laakhon Salaam
Jis Ki Taskeen Se Rote Hue Hans Parein Us Tabassum Ki Aadat Pe Laakhon Salaam
Haath Jis Samt Utha Ghani Kar Diya Mauj-e-Bahr-e-Sakhawat Pe Laakhon Salaam
Kul Jahan Mulk Aur Jau Ki Roti Ghiza Us Shikam Ki Qana’at Pe Laakhon Salaam
Jis Suhani Ghari Chamka Taiba Ka Chand Us Dil-Afroz Sa’at Pe Laakhon Salaam
Allah Allah Woh Bachpane Ki Phaban Us Khuda Bhaati Surat Pe Laakhon Salaam
Jis Ke Aage Khinchi Gardanein Jhuk Gayin Us Khuda Daad Shauqat Pe Laakhon Salaam
Syeda Zahira Tayyiba Tahira Jaan-e-Ahmed Ki Raahat Pe Laakhon Salaam
Ek Mera Hi Rehmat Pe Daawa Nahin Shah Ki Saari Ummat Pe Laakhon Salaam
Mujh Se Khidmat Ke Qudsi Kahein Haan Raza Mustafa Jaan-e-Rehmat Pe Laakhon Salaam
Download Now
Available in PNG (Image) and PDF formats below for easy reading and printing.
